4 C
Grindavik
9. maí, 2021

Slagsmál og líkamsárás í miðbænum

Skyldulesning

Nokkuð var um að vera hjá lögreglunni í nótt miðað við dagbók lögreglunnar sem send var á fjölmiðla í morgun. Sérstaklega var mikið um stöðvaðar bifreiðir vegna gruns um akstur undir áhrifum áfengis og/eða fíkniefna.

Samtals voru 7 bifreiðir stöðvaðar af lögreglunni í gærkvöldi og í nótt þar sem ökumenn voru ýmist grunaðir um akstur undir áhrifum áfengis eða fíkniefna. Einn ökumannanna sem var stöðvaður reyndist ekki vera með bílpróf.

Þá var ungur ökumaður stöðvaður fyrir að keyra bíl sínum á 193 kílómetra hraða á klukkustund á vegi þar sem hámarkshraði var 80 kílómetra hraði á klukkustund. Fjölskyldu ökumannsins var gert viðvart vegna ungs aldurs hans og barnavernd fékk einnig að vita af málinu.

Þá var óskað eftir aðstoð lögreglu í verslun í miðbænum klukkan 22:22 í nótt vegna slagsmála og um hálf ellefu var tilkynnt um líkamsárás í miðbænum.

Tilkynnt var um umferðarslys í 110 Reykjavík þar sem ökumaður hafði ekið á ljósastaur. Ökumaður bílsins er grunaður um að hafa ekið undir áhrifum áfengis og var hann vistaður í fangaklefa í þágu rannsóknar málsins eftir að hann var færður til skoðunar á bráðamóttöku.

spot_img
spot_img
spot_img

Innlendar Fréttir