2 C
Grindavik
15. maí, 2021

Smáhýsin í Gufunesi kostuðu 33 milljónir hvert

Skyldulesning

„Þessi kostnaður er galinn. Það er mjög miður að peningarnir séu ekki nýttir betur í þetta úrræði því þetta málefni er gott,“ sagði Björn Gíslason, fulltrúi Sjálfstæðisflokksins í innkaupa- og framkvæmdaráði Reykjavíkurborgar, á fundi ráðsins í gær þar sem rætt var um kostnað við byggingu smáhýsanna í Gufunesi. Kostnaðurinn á hvert hús er nú metinn á 33,4 milljónir.

Fréttablaðið skýrir frá þessu. Fulltrúar Sjálfstæðisflokksins gagnrýndu þennan mikla kostnað á fundinum í gær og einnig hversu langan tíma það tók að fá svör um kostnaðinn. Auk Björns situr Ragnhildur Alda Vilhjálmsdóttir í ráðinu fyrir hönd Sjálfstæðisflokksins.

Smáhýsin er 30 fermetrar og því er fermetraverðið um 1,1 milljón króna. Fréttablaðið segir að meðalfermetraverð íbúða í fjölbýli Reykjavík sé 513.000 krónur og 423.000 krónur í sérbýli.

Í maí 2019 samþykkti Innkauparáð tilboð Yabimo í byggingu 20 hýsa en það hljóðaði upp á rúmlega 189 milljónir en kostnaðaráætlun var 320 milljónir. Hýsin voru smíðuð í Póllandi og flutt samsett hingað til lands. Þetta stóðst nokkur veginn áætlun en aukakostnaður féll til vegna jarðvinnu og frágangs lóða.

Kostnaður við jarð- og lagnavinnu var 11,8 milljónir á hvert hýsi og lóða- og umhverfisfrágangur kostaði 5,7 milljónir á hvert hýsi. Samanlagt var þetta um helmingur kostnaðarins við hvert hýsi.

spot_img
spot_img
spot_img

Innlendar Fréttir