8.4 C
Grindavik
14. júní, 2021

Smit hjá liði Guðjóns Vals

Skyldulesning

Handbolti

Guðjón Valur Sigurðsson tók við þjálfun Gummersbach í sumar.
Guðjón Valur Sigurðsson tók við þjálfun Gummersbach í sumar.
getty/Marius Becker

Leikmaður þýska handboltaliðsins Gummersbach, sem Guðjón Valur Sigurðsson þjálfar, hefur greinst með kórónuveiruna.

Fyrir vikið hefur næstu tveimur leikjum Gummersbach í þýsku B-deildinni verið frestað. Gummersbach átti að mæta Rimpar Wölfe í kvöld og Ferndorf á laugardaginn.

Í frétt á heimasíðu Gummersbach kemur fram að leikmaður liðsins hafi greinst með kórónuveiruna í morgun en sé einkennalaus.

Leikmenn Gummersbach eru komnir í sóttkví og bíða frekari leiðbeininga frá heilbrigðisyfirvöldum.

Eyjamaðurinn Elliði Snær Viðarsson leikur með Gummersbach en hann kom til liðsins í sumar líkt og Guðjón Valur. Sá síðarnefndi lék áður með liðinu á árunum 2005-08. Þar lék hann m.a. undir stjórn Alfreðs Gíslasonar.

Gummersbach hefur farið vel af stað á tímabilinu og er á toppi þýsku B-deildarinnar með tólf stig eftir sjö leiki. Elliði hefur leikið alla deildarleiki Gummersbach og skorað átján mörk.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir