2 C
Grindavik
28. nóvember, 2020

Smituðum fjölgaði um milljón á einni viku í Bandaríkjunum

Skyldulesning

Erlent

Mörg ríki Bandaríkjanna hafa ákveðið að herða á sóttvarnarreglum sínum. 
Mörg ríki Bandaríkjanna hafa ákveðið að herða á sóttvarnarreglum sínum. 
Noam Galai/Getty Images

Bandaríkjamenn eru enn í verulegum vandræðum með útbreiðslu kórónuveirunnar og nú hafa tvö ríki, Michigan og Washington, bæst í hóp þeirra ríkja sem hafa sett hertar reglur til að reyna að hefta útbreiðslu faraldursins. Nú hafa rúmlega ellefu milljónir manna í landinu smitast af veirunni og nýsmit á degi hverjum eru rúmlega hundrað þúsund og hafa verið síðustu vikur.

Raunar fjölgaði smitum um heila milljón á einni viku. Um 900 manns láta lífið á hverjum degi að meðaltali og rúmlega 246 þúsund manns hafa látist í faraldrinum. Yfirvöld segjast þó bjartsýn á að geta farið að dreifa bóluefni strax í desember, þótt ekkert bóluefni hafi enn fengið leyfi frá lyfjastofnun Bandaríkjanna.

Í Washington og Michigan hafa dagleg tilfelli tvöfaldast á síðustu vikum og í síðarnefnda ríkinu hefur skólum vnú verið lokað og veitingastöðum einnig. Þá hefur öllum skemmtistöðum einnig verið gert að loka og standa lokanirnar í að minnsta kosti þrjár vikur. Í Washington ríki er svipað uppi á teningnum og hertar aðgerðir tóku gildi um helgina í fleiri ríkjum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir