3 C
Grindavik
1. desember, 2020

Sólarhringsvaktir og biðraðir

Skyldulesning

Jólaverslunin verður með óvenjulegu móti í ár. Netverslun hefur margfaldast á undanförnum mánuðum og nú er reynt að fá viðskiptavinina þangað frekar en í búðir. Í Elko verða sólarhringsvaktir í pökkun á sendingum í næstu viku og í Byko hefur 30 starfsmönnum verið bætt við að undanförnu. 

Framundan er annasamasti tími ársins hjá flestu verslunarfólki og í ár verður hann með óvenjulegu sniði. Í myndskeiðinu er rætt við Írisi Sigtryggsdóttur, rekstrarstjóra hjá Byko, og Arinbjörn Hauksson ,markaðsstjóra, hjá Elko um útlitið í jólaverslun ársins en í báðum verslunum hefur verið mikil söluaukning hingað til á árinu.  

Í Byko Breiddinni hefur verið gripið til þess að hólfaskipta versluninni í fjögur hólf og starfsmenn sjá um að taka á móti viðskiptavinum og skipuleggja biðraðir. Þetta getur verið óþægilegt fyrir viðskiptavini en Þorgils Gunnarsson, starfsmaður verslunarinnar, segir landsmenn þó í langflestum tilvikum sýna þessu mikinn skilning.

Innlendar Fréttir