4 C
Grindavik
21. apríl, 2021

Solskjær í góðu sambandi við Haaland – „Við sjáum hvað gerist“

Skyldulesning

Ole Gunnar Solskjær stjóri Manchester United segist halda sambandi sínu við Erling Braut Haaland framherja Borussia Dortmund.

Dortmund hafði betur gegn United og fleiri liðum fyrir rúmu ári síðan þegar Haaland yfirgaf Red Bull Salzburg. Margir töldu að gott samband Solskjær og Haaland yrði til þess að framherjinn myndi velja Manchester United.

Haaland sem er tvítugur lék undir stjórn Solskjær hjá Molde og hafa þeir haldið sambandi síðan. „Þegar þú ert með krakka og leikmenn sem þjálfari, þá fylgist þú alltaf með þeim út ferilinn,“ sagði Solskjær.

Líkur eru á að Haaland fari frá Dortmund í sumar og það er talið næsta víst að hann fari ef Dortmund mistekst að komast inn í Meistaradeildina.

„Ég held sambandi við Erling, það er frábært að sjá hversu öflugur leikmaður hann hefur orðið,“ sagði Solskjær.

Manchester United, Manchester City, Chelsea, Liverpool, Real Madrid, Barcelona og fleiri lið munu vafalítið reyna að kaupa Haaland, verði hann til sölu í sumar.

„Hann er leikmaður Dortmund og ég óska honum góðs gengis, við sjáum hvað gerist í framtíðinni.“

Enski boltinn á 433 er í boði

spot_img
spot_img
spot_img

Innlendar Fréttir