4.3 C
Grindavik
16. október, 2021

Sparsamir Danir slá öll met – Eiga 1.000.000.000.000 krónur á reikningum sínum

Skyldulesning

Danir hafa lengi búið við ágætan efnahag og margir hafa getað lagt vel til hliðar og bætt við á bankabækur sínar. Í október náðist nýr áfangi í sparnaði landsmanna þegar heildarinnlán þeirra fóru yfir 1.000 milljarða danskra króna (eina billjón) en þau urðu þá 1.020 milljarðar. Þetta var aukning um 28,6 milljarða frá í september.

Jótlandspósturinn skýrir frá þessu og vísar í nýjar tölur frá danska seðlabankanum. Þetta þýðir að hver einasti Dani, allt frá nýburum til þeirra elstu, á tæplega 175.000 krónur að meðaltali á bankabók. En auðvitað er það ekki svo að hver og einn eigi 175.000 krónur því dreifingin er ójöfn. „Tölur frá því í byrjun árs sýna að 21% innlána eru í eigu 1% viðskiptavina bankanna,“ er haft eftir Tore Stramer frá Dansk Erhverv.

Það hefur ekki haft markverð áhrif á vilja fólks til að spara að margir bankar hafa tekið upp neikvæða vexti á innlánum yfir ákveðinni upphæð.

Fyrir þá sem vilja reikna þessar upphæðir yfir í íslenskar krónur þá má geta þess að ein dönsk króna kosta nú tæplega 22 íslenskar krónur.

spot_img
spot_img
spot_img

Innlendar Fréttir