5.3 C
Grindavik
27. september, 2022

Spennan aukist í kringum Ísland út af Úkraínudeilunni

Skyldulesning

Að sögn Þórdísar Kolbrúnar Reykfjörð Gísladóttur, utanríkisráðherra, hefur spennan í kringum Ísland aukist vegna Úkraínudeilunnar.

„Hún hefur aukist eitthvað, við reynum að fylgjast með því og þess vegna skiptir þetta samstarf sem við erum í miklu máli, við berum ábyrgð og skyldur gagnvart t.d. Atlantshafsbandalaginu varðandi okkar loftrýmisgæslu og gistiríkjasamkomulag og þess háttar, en við eigum líka mikið undir þessu samstarfi varðandi að tryggja okkar öryggi og vita hvað er í gangi í kringum okkur. Það skiptir mjög miklu máli að við séum meðvituð um hvað er að gerast í kringum okkur. Við getum líka verið berskjölduð, það er bara þannig,“ sagði Þórdís í viðtali við Kastljós í kvöld.

Sagði Þórdís að það yrði að koma í ljós hvort viðbúnaður yrði aukinn á Keflavíkurflugvelli vegna ástandsins. „Ef það fer ákveðinn mekkanismi í gang hjá NATÓ þá getur það þýtt það að það verði einhver frekari viðbúnaður eða umsvif á Keflavíkurflugvelli.“

Þórdís sagði að Rússum væri vel kunnugt um afstöðu Íslendinga til framgöngu þeirra gagnvart Úkraínu og þeim hefði jafnvel þótt nóg um þau skilaboð. Ísland muni fylgja Evrópusambandinu hvað varðar refsiaðgerðir gegn Rússum og þær fórnir sem íslenskir aðilar gætu þurft að færa vegna þeirra aðgerða væru ekki miklar í stóra samhenginu.

spot_img
spot_img
spot_img

Innlendar Fréttir