Diogo Jota jafnaði í 1:1 og fagnaði vel og innilega. AFP/Paul Ellis
„Þetta var leiftrandi leikur,“ sagði Diogo Jota, leikmaður Liverpool, í samtali við BBC eftir 2:2-jafntefli liðsins við Manchester City í toppslag ensku úrvalsdeildarinnar í fótbolta í dag.
City komst í tvígang yfir en Liverpool jafnaði í bæði skiptin og tryggði sér eitt stig. „Þeir eru mjög góðir og á heimavelli. Við gerðum okkar besta en okkur fannst við eiga að gera betur. Þeir fengu sín færi og við líka. Við börðumst allt til enda.“
Gæðin í leiknum voru afar mikið og ljóst að tvö af bestu liðum Evrópu voru að mætast í toppslag. „Maður spilar fótbolta til að spila þessa leiki. Leiki sem eru mikilvægir. Við vildum vinna en það tókst ekki. Við megum ekki missa trúna,“ sagði Jota.
