Staðfestir viðræður við Messi – Fer hann frá París? – DV

0
94

Rafa Yuste, varaforseti Barcelona, hefur staðfest það að félagið sé í viðræðum við Lionel Messi um endurkomu.

Messi þurfti að yfirgefa Barcelona 2021 vegna fjárhagsvandræða félagsins og skrifaði undir hjá Paris Saint-Germain.

Síðan þá hefur Barcelona reynt að fá Messi til baka en án árangurs en þeir frönsku vilja ekki losa hann.

Yuste er þó enn vongóður um að Messi snúi heim en hann hafði leikið allan sinn feril á Nou Camp fyrir skiptin til Frakklands.

,,Ég tók þátt í viðræðunum sem því miður gengu ekki upp. Ég er enn pirraður að Leo hafi ekki getað haldið áfram hér,“ sagði Yuste.

,,Við þurfum að hugsa um það að allar fallegar sögur þurfa að hafa fallegan endi. Ég get svarað spurningunni játandi. Við erum í viðræðum við þá.“