4.3 C
Grindavik
16. október, 2021

Starfsmaður Akureyrarbæjar sagður hafa neytt 11 ára dreng úr bol og buxum og slegið hann í andlit

Skyldulesning

Maður hefur verið ákærður af Héraðssaksóknara fyrir að hafa föstudaginn 26. apríl í fyrra veist að 11 ára drengi í íþróttamiðstöðinni í Giljaskóla á Akureyri. Mun maðurinn hafa neytt drenginn úr bol og buxum og að því loknu slegið drenginn í andlitið með flötum lófa.

Er maðurinn ákærður fyrir líkamsárás í opinberu starfi og broti gegn barnaverndarlögum. Ef opinber starfsmaður gerist sekur um refsilagabrot með athæfi sem telja má misnotkun á stöðu hans, hefur dómari heimild til þess að bæta við refsingu allt að helmingi hennar.

Við líkamsárás liggur allt að sex mánaða fangelsisdómur, sem yrði þá 9 mánuðir ef brotið er framið í opinberu starfi. Við brotinu á barnaverndarlögum sem maðurinn er ákærður fyrir liggur allt að þriggja ára fangelsi.

Í ákærunni kemur fram að Héraðssaksóknari krefjist þess að maðurinn verði dæmdur til refsingar og til greiðslu alls sakarkostnaðar. Ekki er að sjá á ákærunni að nein einkaréttarkrafa sé gerð af hálfu forráðamanna drengsins fyrir hans hönd.

Í svari við spurningu DV segir Halla Margrét Tryggvadóttir, sviðsstjóri stjórnsýslusviðs Akureyrarbæjar, að maðurinn hafi ekki starfað í íþróttamiðstöðinni í Giljaskóla frá vori 2019. „Akureyrarbæ er hins vegar óheimilt að upplýsa hvernig/hvort bærinn brást við [umræddu] atviki, þar sem [maðurinn] er ekki einn af æðstu stjórnendum bæjarins,“ segir Halla í svari sínu. Vísar hún jafnframt til upplýsingalaga.

Þá er það tekið fram að Akureyrarbær hafði ekki vitneskju um að atvikið hafi leitt til dómsmáls.

spot_img
spot_img
spot_img

Innlendar Fréttir