Það er markaþurð hjá Cristiano Ronaldo framherja Manchester United sem hefur ekki skorað í fjórum leikjum í röð.
Þessi öflugi framherji frá Portúgal fagnaði 37 ára afmæli sínu um helgina. Ronaldo og félagar mæta Burnley á morgun, skori Ronaldo ekki þar er um að ræða mestu markaþurð hans í meira en áratug.
Ronaldo skoraði síðast þann 30 desember gegn Burnley sem eru andstæðingar United á morgun.
Ronaldo hefur mistekist að skora gegn Wolves, Brentford, West Ham og Middlesbrough en hann klikkaði á vítaspyrnu í bikartapi á föstudag.
Ronaldo skoraði ekki í fimm leikjum í röð fyrir Real Madrid árið 2010 en síðan þá hefur svona markaþurð ekki sést á þeim bænum.
Enski boltinn á 433 er í boði
