6.3 C
Grindavik
26. september, 2021

Stjórnmálaflokkarnir hafa fengið rúmlega sjö milljarða úr ríkissjóði

Skyldulesning

Frá því að lögum um fjármögnun stjórnmálaflokkanna var breytt 2006 hafa þeir fengið tæplega sjö og hálfan milljarð úr ríkissjóði. Sjálfstæðisflokkurinn hefur fengið mest eða tæplega tvo milljarða króna.

Fréttablaðið skýrir frá þessu í dag. Fram kemur að framlögin hafi farið hækkandi á yfirstandandi kjörtímabili þar til heimsfaraldurinn skall á en eftir það hafi þau lækkað aðeins.

Hver sá flokkur sem fær 2,5% fylgi á landsvísu í kosningum getur fengið styrk úr ríkissjóði og er upphæðin reiknuð út frá kjörfylgi.

Hver þingflokkur fær 12 milljónir í grunnframlag og flokkarnir geta fengið kjördæmastyrk vegna kosningabaráttu.

Sjálfstæðisflokkurinn hefur fengið mest allra flokka frá upphafi eða tæplega tvo milljarða. Hann fékk mest árið 2019 eða tæplega 200 milljónir en fær 186 milljónir á þessu ári. Samfylkingin hefur fengið næst mest eða 1.350 milljónir. 2010 til 2013 fékk hann mest allra flokka en 2017 var flokkurinn kominn niður í sjötta sætið í kjölfar mikils kosningaósigurs árið áður.

Vinstri græn hafa fengið 1,2 milljarða og Framsóknarflokkurinn tæplega 1,1.

Nánar er hægt að lesa um skiptingu upphæðanna í Fréttablaðinu í dag.

spot_img
spot_img
spot_img

Innlendar Fréttir