Stoltur af liðsfélaga sínum í landsliðinu sem kom mun sterkari til baka – ,,Ég læri klárlega af honum“ – DV

0
161

Phil Foden, leikmaður Englands, hefur hrósað liðsfélaga sínum Bukayo Saka sem er leikmaður Arsenal.

Saka og Foden eru samherjar í enska landsliðinu en sá fyrrnefndi fékk mikið skítkast eftir að hafa klikkað á vítaspyrnu á EM árið 2020 í úrslitaleik gegn Ítalíu.

Foden segist hafa lært af Saka og segir hann vera með sterkan persónuleika en hann brást virkilega vel við og hefur staðið sig mjög vel undanfarin þrjú ár.

,,Ég læri klárlega af honum. Hann klikkaði á vítaspyrnunni og hvernig hann brást við með frammistöðu með bæði landsliði og félagsliði,“ sagði Foden.

,,Hann er svo góður náungi og allir kunna vel við hann. Hann er stór hluti af því sem við erum að gera hérna. Þetta sýnir hvernig manneskja hann er.“

,,Hann er kornungur og er enn að læra leikinn. Að hann geti komið til baka svo sterkur eftir eitthvað svona sýnir hans hugrekki. Ég er svo ánægður fyrir hans hönd.“

Enski boltinn á 433 er í boði