Styrktu þrjá úrvalsnemendur

0
135

Frá vinstri Dominique Lyle Rosent Baring, Hreinn Óttar Guðlaugsson og Kristín Pétursdóttir. Nemendurnir fengu hvor um sig styrk að 300 þúsund krónum. mbl.is/Kristinn Magnússon

Kristín Pétursdóttir, nemi í fiskeldi, Hreinn Óttar Guðlaugsson, nemi í Marel-vinnslutækni, og Dominique Lyle Rosent Baring, nemi í gæðastjórn í fiskeldi, hlutu námsstyrki Íslensku sjávarútvegssýningarinnar IceFish við formlega athöfn í Húsi sjávarklasans á föstudag.

Hver nemandi fékk 300 þúsund króna styrk en markmið styrkveitingarinnar hefur verið að styðja úrvalsnemendur við Fisktækniskóla Íslands, sem býður hagnýtt framhaldsskólanám til starfa í sjávarútvegi og fiskeldi.

Fyrsti námsstyrkurinn úr menntastjóði sýningarinnar var veittur árið 2017 og frá þeim tíma hefur Marianne Rasmussen-Coulling, framkvæmdastjóri sýningarinnar, afhent styrkina. Lýsti hún í ávarpi sínu mikilvægi þess að styðja við efnilega nema í fræðigreinum sem tengjast sjávarútvegi og fiskeldi þar sem greinarnar gegna lykilhlutverki og framþróun þeirra byggist á aukinni þekkingu.