7 C
Grindavik
22. apríl, 2021

Styrkur fyrir sérnám í heilabilun

Skyldulesning

Háskólinn á Akureyri mun koma a fót sérnámi í heilabilun.

Háskólinn á Akureyri mun koma a fót sérnámi í heilabilun.

Aðsent/HA

Svandís Svavarsdóttir heilbrigðisráðherra hefur veitt Háskólanum á Akureyri sjö milljóna króna styrk til að koma á fót sérnámi fyrir ráðgjafa á sviði heilabilunar. Námið verður 60 ETCS einingar á meistarastigi og lýkur með diplóma. Markmiðið er að auka sérþekkingu á þessu sviði hér á landi í samræmi við aðgerðaáætlun í þjónustu við fólk með heilabilun til ársins 2025.

Fram kemur í í fréttatilkynningu að heilabilunarráðgjafi geti með þekkingu sinni og reynslu stuðlað að auknum gæðum í umönnun einstaklinga með heilabilunarsjúkdóma með stuðningi, leiðsögn, ráðgjöf og kennslu til þeirra og fjölskyldna þeirra. Á þann hátt má auka lífsgæði heilabilaðra og fjölskyldna þeirra. Auk þess getur ráðgjafinn sinnt fræðslu og ráðgjöf til starfsfólks og tekið þátt í stefnumótun og uppbyggingu verklagsferla varðandi málefnið.

Þá segir að Háskólinn á Akureyri hafi kynnt ráðuneytinu drög að námsskrá og reiknað er með að námið geti byggst ofan á grunnnám í hjúkrunarfræði, iðjuþjálfun, félagsráðgjöf eða sálfræði. Námið skapar einnig möguleika á að námskeið þess nýtist öðrum fagstéttum eins og lögreglumönnum og öðrum meistaranámsnemum. Stefnt er að því að námið hefjist haustið 2022.

spot_img
spot_img
spot_img

Innlendar Fréttir