3 C
Grindavik
28. febrúar, 2021

Suarez af­greiddi Elche og At­letico á toppnum

Skyldulesning

Atletico Madrid er komið á topp spænsku úrvalsdeildarinnar eftir 3-1 sigur á Elche í fyrsta leik dagsins í spænska boltanum.

Markahrókurinn Luis Suarez er að komast á flug aftur eftir kórónuveirusmit og hann skoraði fyrsta markið á 41. mínútu.

Atletico var einu marki yfir í hálfleik en eftir tæplega klukkutíma leik tvöfaldaði Suarez forystuna. Lucas Boye minnkaði muninn hins vegar muninn fyrir Elche á 64. mínútu.

Heimamenn í Madríd fengu þó vítaspyrnu tíu mínútum fyrir leikslok eftir að brotið var á Diego Costa. Costa fór sjálfur á punktinn og skoraði. Lokatölur 3-1.

Atletico er því komið á toppinn en liðið er með 29 stig eftir tólf leiki, þremur stigum meira en Real Madrid (leikið þrettán leiki) og Real Sociedad (leikið fjórtán leiki).

Elche er í 15. sæti deildarinnar.

Innlendar Fréttir