6 C
Grindavik
21. apríl, 2021

Suðvesturhornið nötraði um klukkan hálf tvö

Skyldulesning

Óhætt er að segja að íbúar á höfuðborgarsvæðinu og víðar hafi fundið fyrir jarðskjálfta sem varð um klukkan hálf tvö í nótt. Skjálftinn var 4,9 að stærð og er sá stærsti síðan skjálfti að stærð 5,2 reið yfir á laugardagsmorgun.

Í tilkynningu frá Veðurstofu Íslands klukkan 01:31 segir að skjálftinn hafi verið 4,9 að stærð. Upptök hans voru 2,5 kílómetra vestsuðvestur af fjallinu Keili, á sömu slóðum og aðrir skjálftar í dag. 

Íbúar á Akranesi, Grindavík og höfuðborgarsvæðinu segjast í athugasemdum hafa fundið vel fyrir skjálftanum og sumir hverjir vaknað upp við hann. Í tilkynningu frá Veðurstofu Íslands kemur fram að skjálftinn hafi fundist mjög víða á Reykjanesskaganum, austur í Landeyjar og upp í Borgarfjörð.

Fréttin hefur verið uppfærð.

spot_img
spot_img
spot_img

Innlendar Fréttir