2 C
Grindavik
15. maí, 2021

Svaf ölvunarsvefni í bílastæðahúsi – Ökumenn í vímu og eignaspjöll

Skyldulesning

Síðdegis í gær var lögreglan beðin um aðstoð vegna manns sem svaf ölvunarsvefni í bílastæðahúsi í miðborginni. Hann var vakinn og hélt sína leið þegar hann var risinn á fætur. Í Hlíðahverfi var tilkynnt um skemmdarverk á tveimur bílum í kringum miðnætti.

Sjö ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Einn þeirra var staðinn að akstri gegn rauðu ljósi og reyndist vera sviptur ökuréttindum. Hann reyndi einnig að ljúga til um hver hann væri en lögreglan sá í gegnum lygarnar. Þrír aðrir af hinum handteknu reyndust vera sviptir ökuréttindum og var um ítrekuð brot að ræða hjá þeim öllum á sviptingunni. Einn af hinum handteknu ökumönnum reyndist vera réttindalaus og bifreiðin sem hann ók reyndist vera ótryggð.

Í Bústaðahverfi var tilkynnt um þjófnað úr verslun í gærkvöldi. Í Breiðholti var tilkynnt um innbrot í geymslur fjölbýlishúss um miðnætti. Í Hlíðahverfi var tilkynnt um innbrot í bifreiðageymslu á tíunda tímanum í gærkvöldi.

spot_img
spot_img
spot_img

Innlendar Fréttir