Mynd/Getty
Sveindís Jane Jónsdóttir og stöllur í Wolfsburg geta farið í úrslitaleik Meistaradeildar Evrópu í dag er liðið heimsækir Arsenal í seinni leik liðanna í undanúrslitum.
Fyrri leiknum lauk 2-2, þar sem Sveindís skoraði einmitt annað marka Wolfsburg.
Seinni leikurinn í dag fer fram á Emirates-leikvanginum í London og er uppselt á völlinn.
Sigurvegarinn mætir Barcelona í úrslitaleiknum. Börsungar unnu Chelsea í hinu undanúrslitaeinvíginu.
Leikurinn í dag hefst klukkan 16:45. Hægt verður að horfa á hann í beinni útsendingu í spilaranum hér að neðan.
Fleiri fréttir Mest lesið Nýlegt
