2 C
Grindavik
15. maí, 2021

Synir þingmannsins saman á stóra sviðinu – „Hann svindlar þangað til hann vinnur“

Skyldulesning

Ísland leikur annan leik sinn á EM 2021 í Györ í Ungverjalandi í dag klukkan 13:00 þegar liðið mætir Danmörku. Danir unnur fyrsta leik sinn í riðlinum, 1-0, þegar þeir mættu Frakklandi. Ísland tapaði hins vegar sínum leik 1-4 gegn Rússlandi.

Leikurinn fer fram á Gyirmóti Stadion í Györ eins og aðrir leikir íslenska liðsins á mótinu. Hann hefst kl. 13:00 að íslenskum tíma og verður í beinni útsendingu á RÚV.

Liðin mættust einnig í fyrra skiptið sem Ísland komst í lokakeppni EM í þessum aldursflokki. Það var árið 2011 og vann Ísland þá frábæran 3-1 sigur og skoruðu Kolbeinn Sigþórsson, Birkir Bjarnason og Hjörtur Logi Valgarðsson mörk Íslands. Þetta verður í tólfta sinn sem liðin mætast í þessum aldursflokki. Ísland hefur unnið þrjá leiki, síðast árið 2019, fimm endað með jafntefli og Danir unnið þrjá.

Í eldínunni hjá íslenska liðinu verða bræðurnir Willum Þór og Brynjólfur Andersen, Willumssynir en þeir eru synir þingmannsins Willums Þórs.

Willum í leik með íslenska landsliðinu. Mynd/Getty

Willum Þór Þórsson átti farsælan feril í fótboltanum og þá sérstaklega sem þjálfari en synir hans léku alla tíð með Breiðabliki, Willum Þór Willumsson hefur síðustu ár leikið með BATE í Hvíta Rússlandi og á dögunum var Brynjólfur seldur til Kristansund í Noregi.

„Það er gaman að vera með honum í liðinu. Að fá að hitta hann, því við erum ekki mikið saman núna þar sem ég er úti og hann er að fara út líka,“ segir Willum Þór í áhugaverðu innslagi sem Eva Björn Benediktsdóttir, íþróttafréttkona á RÚV var með í Ungverjalandi.

„Maður er náttúrulega ekki búinn að hitta hann í langan tíma, það er alltaf gaman að hitta hann og taka stöðuna,“ samsinnir Brynjólfur.

Helgi Viðar

Þeir bræður eru þó ekki sammála um um allt og stundum fara þeir í taugarnar á hvor öðrum. „Já, það var orðið ansi mikið þegar við vorum alltaf saman heima á Íslandi, vorum á æfingum saman og komum heim saman og í skólanum. Það fór oft ekki vel saman,“ segir Brynjólfur og glottir.

Brynjólfur segir svo að bróðir sinn svindli alltaf. „Hann svindlar þangað til hann vinnur,“ sagði Brynjólfur við RÚV en innslagið má sjá í heild hérna.

spot_img
spot_img
spot_img

Innlendar Fréttir