-3 C
Grindavik
26. janúar, 2021

Talið að ölvun og talsmáti Jóns Þórs kosti hann starfið – Niðrandi ummæli féllu fyrir framan alla

Skyldulesning

Því er haldið fram á vef Morgunblaðsins að líkur séu á því að Jóni Þóri Haukssyni verði vikið úr starfi landsliðsþjálfara kvenna eftir framkomu hans í vikunni. „Í fögnuði um kvöldið var áfengi haft um hönd og þá komu upp atvik. Jón Þór Hauksson þjálfari íslenska liðsins var undir áhrifum áfengis og þótti hafa farið yfir strikið í samræðum við leikmenn sem sumar voru í uppnámi,“ skrifaði Hafliði Breiðfjörð í grein á Fótbolta.net í dag.

Meira:


Landsliðsþjálfari Íslands sagður hafa verið ölvaður og farið yfir strikið þegar hann ræddi við stelpurnar

Í grein Morgunblaðsins er sagt frá því að Jón Þór hafi talað á óviðeigandi hátt til leikmanna og sumir hafi fengið það óþvegið fyrir framan allan hópinn. „Sum þess­ara niðrandi um­mæla áttu sér stað fyr­ir fram­an all­an leik­manna­hóp­inn og snéru að getu leik­mann­anna;“ segir í frétt Morgunblaðsins.

Samkvæmt heimildum DV var einn leikmaður sem fékk að vita af því að hún væri aðeins í hópnum vegna þess hversu góð hún væri í hóp, geta hennar á knattspyrnuvellinum væri ekki ýkja merkileg.

Þá var einn allra besti leikmaður liðsins tekinn fyrir af Jóni samkvæmt sömu heimildum. Um er að ræða þrjá eða fjóra leikmenn landsliðsins samkvæmt heimildum DV sem fengu yfir sig fúkyrði frá ölvuðum þjálfaranum.

„Eft­ir því sem mbl.is kemst næst hef­ur al­var­leg­ur trúnaðarbrest­ur átt sér stað á milli þjálf­ar­ans og leik­manna­hóps­ins og því erfitt að sjá hvernig sam­starfið get­ur haldið áfram eft­ir þessa sorg­legu uppá­komu,“ segir í frétt eftir Bjarna Helgason á Morgunblaðinu.

Jón Þór kom liðinu inn á Evrópumótið með sigri á Ungverjalandi og eftir þann leik var fagnað. „ Ég tók þátt í að fagna okkar árangri og eftir á að hyggja voru það mistök. Ég hef rætt við hluta þeirra leikmanna sem ég átti þessi samtöl við og beðist afsökunar,“ segir Jón Þór í samtali við Hafliða Breiðfjörð á Fótbolta.net.

Innlendar Fréttir