8.4 C
Grindavik
14. júní, 2021

Telur að fótboltakonur séu líklegri til að þjást af heilabilun en fótboltakarlar

Skyldulesning

Enski boltinn

Sýnt hefur verið fram á að síendurteknir skallar í fótbolta geti haft áhrif á andlega heilsu leikmanna á efri árum. Þeir eru mun líklegri en aðrir til að greinast með heilabilun.
Sýnt hefur verið fram á að síendurteknir skallar í fótbolta geti haft áhrif á andlega heilsu leikmanna á efri árum. Þeir eru mun líklegri en aðrir til að greinast með heilabilun.
getty/Chelsea Football Club

Fótboltakonur gætu átt á meiri hættu á að þjást af heilabilun en fótboltakarlar. Þetta segir Dr. Michael Gray, taugalæknir við East Anglia háskólann á Englandi.

Undanfarnar vikur hefur skapast mikil umræða um hvaða afleiðingar það að skalla boltann hefur á heila fótboltamanna á efri árum. Til að mynda hafa fimm úr heimsmeistaraliði Englands 1966 greinst með heilabilun. 

Rannsóknir sýna að fyrrverandi fótboltamenn eru rúmlega þrisvar sinnum líklegri til að deyja úr heilabilun en aðrir.

Áðurnefndur Dr. Michael Gray segir að fyrrverandi fótboltakonur gæti verið í enn meiri áhættuhópi en fyrrverandi fótboltakarlar. Hann stendur nú fyrir rannsókn þar sem merki um heilabilun er könnuð hjá fyrrverandi leikmönnum. Gray hefur fengið tæplega fjörtíu fyrrverandi fótboltakarla til að taka þátt í rannsókninni og leitar nú að fleiri fyrrverandi fótboltakonum til að taka þátt í henni.

„Við vitum að fyrrverandi fótboltamenn eiga á meiri hættu að fá heilabilun og teljum að það tengist því að skalla boltann ítrekað. Við vitum ekki mikið um hvaða áhrif þetta hefur á fótboltakonur en finnst líklegt að þær eigi á enn meiri hættu á að fá heilabilun en fótboltakarlar,“ sagði Dr. Gray.

„Við vitum að það er munur á milli kynjanna og það gæti verið mikilvægt upp á áhrif þess að boltann endurtekið. Við vitum að fótboltakonur fá oftar heilahristing og þótt konur lifi lengur er 61 prósent þeirra sem þjást af heilabilun í landinu kvenkyns. Eitt sem skiptir máli í þessu samhengi er styrkur í hálsi. Menn með stærri og þykkari hálsa eru ólíklegri til að fá heilahristing.“

Eins og áður sagði vill Dr. Gray fá fleiri konur til að taka þátt í rannsókn sinni. Þar er fyrstu merki um heilabilun hjá fyrrverandi fótboltamönnum könnuð. Fylgst verður með andlegri heilsu þeirra um nokkurra ára skeið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir