-2 C
Grindavik
20. janúar, 2021

Telur að Guðni hafi fengið símtal um að leita til Lagerback

Skyldulesning

Íslenska landsliðinu vantar þjálfara og hefur leitin farið af stað, möguleg breyting gæti hafa orðið á hugmyndum KSÍ í gær þegar Lars Lagerback var rekinn frá Noregi.

Lagerback mistókst að koma Noregi inn á Evrópumótið og þá hafa verið læti í kringum hann eftir deilur við framherja liðsins. Lagerback stýrði Íslandi ásamt Heimi Hallgrímssyni frá 2012 til ársins 2016. Hann náði frábærum árangri með Ísland. Starfið hjá Íslandi er laust um þessar mundir og hafa margir verið orðaðir við starfið, óvíst er hvort KSÍ muni hafa samband við Lagerback og bjóða honum starfið.

Guðni Bergsson ásamt stjórn sambandsins hefur hafið viðræður við nokkra aðila en samkvæmt heimildum eru í kringum fjögur nöfn á óskalista sambandsins.

Rætt var um málið í Dr. Football í dag. „Ég held að Lagerback muni hugsa þetta. Ég veit ekki hvot Guðni muni hugsa þetta. Ég er pottþéttur á því að Guðni hafi fengið símtöl frá sterkum aðilum núna, sem vilja láta Guðna tala við Lagerback,“ sagði Mikael Nikulásson um málið.

Lagerback mistókst að koma Íslandi á HM en kom liðinu á sitt fyrsta stórmót árið 2016. Undankeppni HM hefst í mars fyrir HM í Katar 2022. Dregið verður í riðla fyrir undankeppnina á mánudag.

„EF hann hefði hætt að þjálfa þegar hann hætti með Ísland, þá væri hann kóngur. Tekur við Noregi og gerði allt í lagi hluti, ekki nógu góða. Hann vill örugglega ekki enda þjálfaraferil sinn svona, vera rekinn frá Noregi. Ef Ísland fær þokkalega góðan riðil á mánudaginn og tekið sénsinn, hann gæti sagt já við því.“

Innlendar Fréttir