7 C
Grindavik
25. nóvember, 2020

Telur konur fá harðari gagnrýni þegar þær brjóta jafnréttislög

Skyldulesning

Menntamálaráðherra ætlar að birta öll gögn sem tengjast ráðningu ráðuneytisstjóra þegar niðurstaða fæst í máli kærumáli hennar. Hún bendir á harkalega gagnrýni Viðreisnar á sig en formaður flokksins sé systir umsækjanda um stöðuna. 

Samkvæmt lögum kærunefnd jafnréttismála eru úrskurðir hennar bindandi gagnvart málsaðilum, en þeim er heimilt að bera úrskurði hennar undir dómstóla. Ráðherra þarf því að höfða mál gegn Hafdísi sjálfri til þess að hægt sé að ógilda úrskurðinn. 

 Kærunefnd jafnréttismála úrskurðaði í vor að Lilja Alfreðsdóttir, mennta- og menningarmálaráðherra, hefði brotið jafnréttislög með ráðningu Páls Magnússonar í embætti ráðuneytisstjóra menntamálaráðuneytisins. Hafdís Helga Ólafsdóttir, skrifstofustjóri í forsætisráðuneytinu, kærði ráðninguna til kærunefndarinnar, en hún var ekki í hópi þeirra fjögurra sem hæfisnefnd mat hæfasta í starfið

Lilja Alfreðsdóttir var spurð út í málið á Sprengisandi í morgun og hvort það hefði ekki haft áhrif á vinsældir hennar sem hafa dalað síðustu misseri og vakið tortryggni því Páll Magnússon gegnt ýmsum trúnaðarstörfum fyrir Framsóknarflokkinn.

„Ég hlakka til að geta farið betur yfir þessi mál þegar því er lokið fyrir dómstólum. Þarna var hæfnisnefnd sem valdi fjóra einstaklinga sem hún telur hæfasta. Ég tek það mat og vandaði mig ofboðslega. Ég vil gjarnan deila með þjóðinni öllum gögnum í þessu máli þegar það verður hægt. Það mun koma í ljós að þarna var hæfasti einstaklingurinn valinn. Við getum heldur ekki hegnt fólki fyrir að hafa einhvern tíma tekið þátt í stjórnmálasamstarfi,“ segir Lilja. 

Fordæmi fyrir samherjum í ráðuneytisstjórastöðum

Lilja benti á fleiri sem hefðu pólitíska samherja í ráðuneytisstjórastöðu. Þá væri málið viðkvæmt því sú sem hún stendur í málaferlum við sé skrifstofustjóri og yfirmaður ríkislögmanns.

„Mig langar í þessu samhengi að benda á að það er fyrrverandi þingmaður Alþýðubandalagsins í ráðuneytisstjóri forsætisráðuneytinu. Hefur það einhvern tíma verið gagnrýnt?  Það var flutningur ekki einu sinni auglýst. Sú kona sem hefur verið að fara yfir þessi mál er skrifstofustjóri í forsætisráðuneytinu  og er í raun og veru yfirmaður ríkislögmanns. Svo ég nefni aðeins hvað þetta mál er viðkvæmt og snúið innan stjórnsýslunnar,“ segir Lilja. 

 Aðspurð hvort ekki sé harkalegt að fara í mál við einstakling svaraði Lilja.

„Nei Ég er ráðherra, ég er líka einstaklingur og verð alveg eins og allir aðrir  íslensku samfélagi , að ef ég tel að það hafi verið brotið á mér, hlýt ég að eiga sama rétt og viðkomandi einstaklingur að sækja minn rétt,“ segir Lilja.   

Málið flóknara en það virðist

„Þetta mál hefur tekið mjög mikið á mig. Ég taldi og tel að ég hafi sannarlega verið að breyta rétt,“ segir Lilja.

Aðspurð út í pólitísk tengsl sín við formann hæfnisnefndarinnar Einar Huga Bjarnason og að hann hafi fengið 15 milljónir greiddar frá mennta-og menningarmálaráðuneytinu svaraði Lilja: 

„Viðkomandi aðili er hæstaréttarlögmaður og einu samskipti mín við hann eru um lögfræði,“ sagði Lilja. 

Lilja gerði að umtalsefni að konur væru oft dæmdar harðar en karlar í svona málum. 

„Auðvitað er það þannig að við erum í samkeppni í stjórnmálum og þá er sótt að stjórnmálamönnum. Ég stend við það sem ég gerði þess vegna fer ég fram á ógildinguna. Það er verið að tala varðandi jafnréttismál, þá er eins og þetta sé verra mál. Það eru mjög margir sem hafa fengið svona mál á sig, borgarstjóri fjármála-og efnahagsráðherra. Af hverju er þetta meira mál þegar það er kona eins og ég,“ segir Lilja. 

Lilja benti á að Viðreisn hefði gengið harkalega fram í gagnrýni á sig. 

„Einn af umsækjunum um stöðuna er systir Þorgerðar Katrínar Gunnarsdóttur og sá flokkur er mjög framarlega í því að gagnrýna mennta-og menningarmálaráðherra. Þetta mál er aðeins flóknara en það virðist. Þegar það eru konur sem lenda í þessari stöðu þá virðist það vera meira mál,“ segir Lilja. 


Tengdar fréttir


Lilja Alfreðsdóttir, mennta- og menningarmálaráðherra, hyggst höfða mál gegn konu sem kærunefnd jafnréttismála taldi að brotið hefði verið á þegar gengið var fram hjá henni við ráðningu ráðuneytisstjóra.


Lilja Alfreðsdóttir menntamálaráðherra segir flokksaðild Páls Magnússonar ekki hafa skipt máli þegar hún skipaði hann í stöði ráðuneytisstjóra í menntamálaráðuneytinu í fyrra.


Lilja Alfreðsdóttir menntamálaráðherra fór á svig við tillögu sérfræðinga í menntamálaráðuneytinu þegar hún skipaði Einar Huga Bjarnason formann fjölmiðlanefndar í nóvember.


Lilja segist ekki hafa talið vert að víkja frá niðurstöðu hæfisnefndarinnar.


Haukur Arnþórsson stjórnsýslufræðingur telur að ráðning Lilju á Páli Magnússyni hljóti að hafa afleiðingar.


Kærunefnd jafnréttismála hefur komist að þeirri niðurstöðu að með skipan Páls Magnússonar í embætti ráðuneytisstjóra hafi Lilja D. Alfreðsdóttir, mennta- og menningarmálaráðherra brotið gegn jafnréttislögum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir