Innlent
| mbl
| 18.12.2020
| 6:35
„Mynd dagsins er af reykköfunaræfingu og eins og sjá má tökum við grímuskyldu alvarlega,“ segir í færslunni.
Ljósmynd/Slökkvilið höfuðborgarsvæðisins
Mikið var að gera hjá slökkviliði höfuðborgarsvæðisins síðasta sólarhring. Sjúkraflutningamenn fóru í 108 flutninga, þar af voru 17 forgangsverkefni og 11 vegna Covid-19. Síðastnefndu flutningarnir taka mun lengri tíma en aðrir flutningar.
Þetta kemur fram í færslu slökkviliðs höfuðborgarsvæðisins.
„Það er ekki rólegt hjá okkur, þótt við vildum,“ er skrifað þar.
Dælubílar sinntu fjórum útköllum á síðasta sólarhring en þau voru öll minniháttar.
