-1 C
Grindavik
27. janúar, 2021

Þénar 35 milljónir á viku en getur fengið launahækkun

Skyldulesning

Ensk blöð segja að Liverpool muni reyna að framlengja samning sinn við Mohamed Salah til að reyna að róa þær öldur sem eru í kringum Salah.

Umræður um framtíð Mohamed Salah hjá Liverpool eru í fullum gangi og hafa verið síðustu daga, Salah lét hafa eftir sér á dögunum að hann hefði mögulega áhuga á að spila fyrir Real Madrid eða Barcelona.

„Madrid og Barcelona eru tvö frábær félög,“ sagði Salah um daginn.

Salah hefur verið jafn besti leikmaður Liverpool síðustu ár en samningur hans rennur út sumarið 2023. Liverpool er því ekki undir neinni pressu að selja hann, ensk blöð segja einnig að félagið hafi engan áhuga á að selja hann.

Þar segir að Liverpool sé tilbúið að bjóða Salah verulega launahækkun en hann þénar í dag 200 þúsund pund á viku og er einn launahæsti leikmaður liðsins.

Liverpool gæti hins vegar skoðað málið næsta sumar ef Salah vill ekki skrifa undir nýjan samning, með því gæti félagið hámarkað það verð sem félagið getur fengið fyrir Salah sem fagnar 29 ára afmæli sínu á næsta ári.

Enski boltinn á 433 er í boði

Innlendar Fréttir