7.3 C
Grindavik
26. október, 2021

Þessi eru tilnefnd sem bestu leikmenn og bestu þjálfarar fótboltans á árinu 2020

Skyldulesning

Áfall fyrir United

Salah með háar kröfur

Walter Smith látinn

Lið án liðsheildar

Fótbolti

Verðlaunahafarnir í fyrra voru þau Lionel Messi, Jill Ellis, Jürgen Klopp og Megan Rapinoe.
Verðlaunahafarnir í fyrra voru þau Lionel Messi, Jill Ellis, Jürgen Klopp og Megan Rapinoe.
Getty/Pier Marco Tacca

Fjórir leikmenn Liverpool og knattspyrnustjórinn Jürgen Klopp fá tilnefningu sem bestu fótboltamenn ársins hjá FIFA en alls voru ellefu fótboltakarlar og ellefu fótboltakonur tilnefnd í dag.

Liverpool mennirnir Virgil van Dijk, Mohamed Salah, Sadio Mane og Thiago Alcantara koma allir til greina og á félagið flestar tilnefningar að þessu sinni.

Fjórir liðsfélagar Söru Bjarkar Gunnarsdóttur hjá Lyon eru einnig tilnefndar eða þær Delphine Cascarino, Saki Kumagai, Dzsenifer Marozsan og Wendie Renard en franska félagið fékk flestar tilnefningar hjá konunum.

Lucy Bronze

Jurgen Klopp

Virgil van Dijk

The Best Fifa Football Award nominees have been announced.

Full list #bbcfootball

— BBC Sport (@BBCSport) November 25, 2020

FIFA ákvað að velja besta knattspyrnufólk ársins þrátt fyrir áhrif kórónuveirunnar á fótboltaárið en Gullhnötturinn er sem dæmi ekki afhendur í ár.

Ellefu karlar og ellefu konur koma til greina sem besti knattspyrnumaður og besta knattspyrnukona ársins. Fimm þjálfarar í karlaflokki og sjö þjálfarar í kvennaflokki koma til greina sem þjálfari ársins.

Nú munu fyrirliðar og þjálfarar landsliða heimsins kjósa en í viðbót við þeirra atkvæði þá bætast við atkvæði úr netkosningu og svo atkvæði frá tvö hundruð fjölmiðlamönnum víðs vegar af úr heiminum.

Kosning mun fara fram frá 25. nóvember til 9.desember og verðlaunahátíðin verður svo haldin 17. desember næstkomandi.

Hér fyrir neðan má sjá allar tilnefningarnar.

Tilnefningar sem besti fótboltamaður heims 2020:

  • Thiago Alcantara (Spánn, Liverpool)
  • Cristiano Ronaldo (Portúgal, Juventus)
  • Kevin de Bruyne (Belgía, Manchester City)
  • Robert Lewandowski (Pólland, Bayern München)
  • Sadio Mane (Senegal, Liverpool)
  • Kylian Mbappe (Frakkland, Paris St-Germain)
  • Lionel Messi (Argentína, Barcelona)
  • Neymar (Brasilía, Paris St-Germain)
  • Sergio Ramos (Spánn, Real Madrid)
  • Mohamed Salah (Egyptaland, Liverpool)
  • Virgil van Dijk (Holland, Liverpool)

Tilnefningar sem besta fótboltakona heims 2020:

  • Lucy Bronze (England, Manchester City)
  • Delphine Cascarino (Frakkland, Lyon)
  • Caroline Graham Hansen (Noregur, Barcelona)
  • Pernille Harder (Danmörk, Chelsea)
  • Jennifer Hermoso (Spánn, Barcelona)
  • Ji So-yun (Suður Kórea, Chelsea)
  • Sam Kerr (Ástralía, Chelsea)
  • Saki Kumagai (Japan, Lyon)
  • Dzsenifer Marozsan (Þýskaland, Lyon)
  • Vivianne Miedema (Holland, Arsenal)
  • Wendie Renard (Frakkland Lyon)

Besti þjálfarinn í karlaflokki 2020:

  • Marcelo Bielsa (Argentína, Leeds United)
  • Hans-Dieter Flick (Þýskaland, Bayern München)
  • Jürgen Klopp (Þýskaland, Liverpool)
  • Julen Lopetegui (Spánn, Sevilla)
  • Zinedine Zidane (Frakkland, Real Madrid)

Besti þjálfarinn í kvennaflokki 2020:

  • Lluis Cortes (Spánn, Barcelona)
  • Rita Guarino (Ítalía, Juventus)
  • Emma Hayes (England, Chelsea)
  • Stephan Lerch (Þýskaland, Wolfsburg)
  • Hege Riise (Noregur, LSK Kvinner)
  • Jean-Luc Vasseur (Frakkland, Lyon)
  • Sarina Wiegman (Holland, Holland)


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir