6 C
Grindavik
21. apríl, 2021

„Þetta bara gengur ekki“

Skyldulesning

Arthur Bogason, formaður landssambands smábátaeigenda, segir ekki boðlegt að aðeins eitt varðskip sé tiltækt.

„Auðvitað hef ég áhyggjur, eins mikið og gerist í náttúrunni í kringum okkur. Það að það sé bara eitt varðskip við landið er auðvitað óboðlegt,“ svarar Arthur Bogason, formaður Landssambands smábátaeigenda, inntur álits á viðbragðsgetu Landhelgisgæslunnar í kjölfar frétta af því að óvíst sé hvort Týr komi aftur í rekstur.

Hann er ekki einn um að hafa áhyggjur af stöðunni en Félag skipstjórnarmanna, Sjómannafélag Íslands, Sjómannasamband Íslands, Sjómanna- og vélstjórafélag Grindavíkur og Félag vélstjóra og málmtæknimanna hafa krafist þess að Landhelgisgæslunni verði veittir nægilegir fjármunir til að koma Tý í rekstur á ný.

Arthur segir öryggismálin ávallt ofarlega í huga smábátasjómanna enda fáir sem verða jafn mikið fyrir barðinu á veðri og vindum. „Við eigum ekki að láta þetta spyrjast út um okkur, að það sé eitt varðskip sem eigi að sinna 738 þúsund ferkílómetra lögsögu og sex þúsund kílómetra strandlengju. Þetta bara gengur ekki.“

spot_img
spot_img
spot_img

Innlendar Fréttir