8.4 C
Grindavik
20. júní, 2021

„Þetta er ákveðin atlaga að Kristjáni Þór Júlíussyni“

Skyldulesning

Þórhildur Sunna Ævarsdóttir, þingmaður Pírata, segir frumvarp Páls Magnússonar, þingmanns Sjálfstæðisflokksins, til höfuðs sjávarútvegsráðherra.

mbl.is/Eggert Jóhannesson

„Mín fyrstu viðbrögð er að þetta er ákveðin atlaga að Kristjáni Þór Júlíussyni, sjávarútvegsráðherra. Þetta er ákveðin yfirlýsing um skort á trausti í hans garð varðandi að tryggja að farið er að lögum í sjávarútvegi,“ segir Þórhildur Sunna Ævarsdóttir, þingmaður Pírata, í samtali við 200 mílur innt álits hennar á hugmyndum Páls Magnússonar, þingmanns Sjálfstæðisflokksins, um breytingar á lögum um fiskveiðar.

Páll kveðst í Morgunblaðinu í dag leggja fram frumvarp í þeim tilgangi að draga úr þeirri þróun að aflaheimildir safnist á færri hendur.

Spurð hvort það komi til greina að styðja hugmyndir Páls, kveðst Þórhildur Sunna enn eiga eftir að sjá frumvarpið. „Ég tek öllu með vænum skammti af salti sem kemur frá Sjálfstæðisflokknum og varðar sjávarútveginn, sér í lagi í aðdraganda prófkjara. En ég tek þessu með opnum hug og styð markmið tillögunnar.“

Þá segir hún margt hægt að gera til þess að tryggja að eignarhald aflahlutdeilda fari ekki yfir 12% markið í gildandi lögum. „Ég veit hins vegar ekki hvort frumvarp Páls taki á raunverulegum vanda, sem er skilgreiningin á tengdum aðilum.“

„Ég á eftir að sjá hvort þetta færir okkur verkfæri til þess að takast á við þennan raunverulega vanda, eða hvort þetta sé enn eitt villuljósið frá Sjálfstæðisflokknum til þess að telja okkur trú um að þau séu að gera nokkuð annað en að þjóna útgerðinni á landinu,“ bætir Þórhildur Sunna við.

spot_img
spot_img
spot_img

Innlendar Fréttir