Þetta er verðmiðinn sem Arsenal setur á Balogun – DV

0
109

Arsenal er opið fyrir því að selja Folarin Balogun í sumar en aðeins fyrir rétt verð. Sky Sports í Þýskalandi segir frá.

Balogun hefur komið mörgum á óvart á leiktíðinni og raðað inn mörkum fyrir Reims í Frakklandi. Englendingurinn ungi er þar á láni frá Arsenal.

Hinn 21 árs gamli Balogun kom upp í gegnum unglingastarf Arsenal og er samningsbundinn félaginu til 2025.

Hann fór hins vegar til Reims á láni fyrir þessa leiktíð í leit að meiri spiltíma. Það fékk hann heldur betur og hefur þakkað traustið. Balogun hefur skorað 19 mörk á leiktíðinni.

Balogun vill verða fastamaður hjá Arsenal en alls ekki er víst að það sé raunhæft. Hann gæti því horft í kringum sig í sumar.

Arsenal er til í að selja hann en aðeins ef tilboð berst upp á 35 milljónir punda eða meira.

AC Milan, Inter, Marseille, Leipzig og Monaco gætu öll barist um leikmanninn.

Balogun hefur spilað fyrir yngri landslið Englands en er fæddur í Bandaríkjunum. Hann getur valið á milli þegar kemur að A-landsliði.

Enski boltinn á 433 er í boði