1.3 C
Grindavik
27. nóvember, 2021

Þingmenn slógust og köstuðu svínaiðrum

Skyldulesning

Erlent

Þingmenn stjórnarandstöðunnar mótmæla ætlunum um að leyfa innflutnings kjöts frá Bandaríkjunum.
Þingmenn stjórnarandstöðunnar mótmæla ætlunum um að leyfa innflutnings kjöts frá Bandaríkjunum.
EPA/RITCHIE B. TONGO

Til átaka kom á þingi Taívan í Taípei í dag og slógust þingmenn og köstuðu svínaiðrum í hvorn annann á þingi. Deilurnar eru til komnar vegna reglubreytinga um að leyfa innflutning svína- og nautakjöts frá Bandaríkjunum.

Su Tseng-chang, forsætisráðherra, ætlaði að flytja ræðu um frumvarpið þegar stjórnarandstöðuþingmenn komu í veg fyrir það með því að hella úr fötum af svínaiðrum í þinghúsinu.

Meðlimir meirihlutans reyndu að stöðva þá og kom til handalögmála þeirra á milli.

AP fréttaveitan segir forseta Taívan hafa samþykkt þessa breytingu í ágúst og að mögulega sé um undirbúning fyrir viðskiptasamning við Bandaríkin að ræða. Til stendur að fella niður bann á innflutningi svína- og nautakjöts frá Bandaríkjunum í janúar.

Þá verður innflutningur kjöts sem inniheldur efnið ractopamine leyfilegur. Það efni er bannað í matvælaframleiðslu víðsvegar um heiminn og þar á meðal í Evrópusambandinu.

Þeirri ákvörðun hefur verið harðlega mótmælt. Meðlimir stjórnarandstöðunnar mættu á þing í svörtum bolum í dag sem á stóð: „Standið gegn ractopamine-svínakjöti“.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir