5.4 C
Grindavik
18. maí, 2021

Þjóðverjar sigurvissir í skugga óvissu um þjálfaramál – „Munum sanna fyrir öðrum að við séum sigurstranglegasta liðið“

Skyldulesning

Olivier Bierhoff, yfirmaður knattspyrnumála hjá þýska karlalandsliðinu, sat fyrir svörum á blaðamannafundi í dag. Þýskaland mætir Íslandi í Dusseldorf á fimmtudaginn.

Bierhoff var skýr í svörum er hann lagði upp næstu leiki þýska landsliðsins sem eru fyrstu leikirnir í undankeppni HM.

„Við nálgumst verkefnið með mikilli orku og erum spenntir fyrir því. Ég vona að auk þess að ná í jákvæð úrslit munum við sanna fyrir öðrum að við séum sigurstranglegasta liðið í riðlinum,“ sagði Bierhoff á blaðamannafundi.

Leikirnir koma á viðburðaríkum tíma hjá þýska landsliðinu. Joachim Löw, landsliðsþjálfari þýska karlalandsliðsins greindi frá því á dögunum að hann myndi hætta sem landsliðsþjálfari eftir Evrópumótið í sumar.

Bierhoff segir að þessi ákvörðun Löw muni ekki hafa áhrif á leik þýska landsliðsins í komandi leikjum.

„Frá mínu sjónarhorni áhugasamur um verkefnin framundan og spenntur. Fyrir hann er það mikilvægt að lifa í núinu, hann er ekki að hugsa um það hvað mun gerast eftir mótið.“

„Þjálfarinn veit að þetta eru hans síðustu mót og það gefur honum frjálsræði til ákvarðanatöku til þess að ná því besta úr liðinu. Það er gott, burtséð frá öllu öðru tekur maður eftir þeim sterku tengslum sem leikmennirnir hafa við Joachim Löw. Þeir vilja allir kveðja hann á góðan hátt,“ sagði Olivier Bierhoff, yfirmaður knattspyrnumála hjá þýska landsliðinu.

spot_img
spot_img
spot_img

Innlendar Fréttir