5 C
Grindavik
27. febrúar, 2021

Þórálfur er fjór­tánda jóla­vættin í borginni

Skyldulesning

Ný jólavætt hefur bæst í hópinn hjá Reykjavíkurborg. Er um að ræða jólavættina Þórálf sem þykir reglusamur og ákveðinn, enda sér hann um allar sóttvarnir í helli jólasveinanna.

Ný jólavætt hefur bæst í hópinn hjá Reykjavíkurborg. Er um að ræða jólavættina Þórálf sem þykir reglusamur og ákveðinn, enda sér hann um allar sóttvarnir í helli jólasveinanna.

Frá þessu segir á vef Reykjavíkurborgar en síðustu ár hafa margir tekið þátt í jólavættaleik borgarinnar og reynt að hafa uppi á jólavættunum í miðborginni. Er ætlað að hvetja borgarbúa og aðra gesti til að njóta miðborgarinnar á aðventunni.

Reykjavíkurborg

Það er Gunnar Karlsson myndlistarmaður sem teiknaði vættirnar en leikurinn hefur lífgað upp á miðborgina í jólatíð allt frá 2011.

Um Þórálf segir að hann eigi það til að skella sér óvænt til byggða á aðventunni til að næla sér í nauðsynjar og þá sé eins gott að passa vel upp á sprittbrúsana sína og grímurnar.

Alls má nú finna fjórtán jólavættir víðs vegar um borgina, en nálgast má upplýsingar um leikinn hér. Þannig eru Leppalúði, Leiðindaskjóða, Stekkjastaur, Jólakötturinn og fleiri furðuverur búnar að koma sér fyrir á húsveggjum víða í miðbænum og getabörn jafnt sem fullorðnir reynt að leita uppi vættirnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir