6.3 C
Grindavik
26. september, 2021

Þórólfur bindur vonir við að faraldurinn fari niður á næstunni

Skyldulesning

„Þetta eru bara svipaðar niðurstöður og í gær en það er kannski ánægjulegt að það voru bara fimm utan sóttkvíar,“ segir Þórólfur Guðnason sóttvarnalæknir um tölur dagsins en 16 smit greindust, þar af voru 11 í sóttkví. Hátt í 1.500 sýni voru tekin.

„Þetta er enn í línulegum vexti en eins og staðan er núna erum við þó ekki að missa þetta í veldisvöxt, upp úr öllu valdi. Þetta er heldur ekki að fara alveg niður þannig að við erum að horfa upp á að þessar tölur í dag eru eitthvað sem gerðist fyrir um viku síðan. Við erum alltaf viku á eftir.“

Þórólfur segir að sú staðreynd að daglega greinist margir sýktir auki álag á Covid-göngudeildna. „Hægt og bítandi kemur að því að við fáum einhvern alvarlega veikan sem þarf að leggjast inn á spítala. Þá gæti farið að þyngjast aftur á spítalanum, sem betur fer er ástandið þokkalegt þar núna.“

Eins og komið hefur fram eru óbreyttar samkomutakmarkanir í gildi til 9. desember. Þórólfur hefur trú á að þær geti dugað til að ná faraldrinum niður. „Ég hef trú á að það geti gerst. Að við getum haldið í horfinu og vonandi farið niður á við. Það er óskastaða.“

spot_img
spot_img
spot_img

Innlendar Fréttir