Þórsarar geta sópað liði út úr úr­slita­keppninni í fyrsta sinn – Vísir

0
161

Körfubolti

Þórsarar geta sópað liði út úr úr­slita­keppninni í fyrsta sinn Emil Karel Einarsson fagnar sigri Þórsara í fyrsta leiknum á móti Val. Vísir/Bára Þórsarar frá Þorlákshöfn geta komist í lokaúrslitin í þriðja sinn í sögu félagsins í kvöld þegar þeir heimsækja Íslandsmeistara Vals á Hlíðarenda.

Þórsliðið hefur unnið tvo fyrstu leiki einvígisins en Þórsarar unnu meðal annars fyrsta leikinn á heimavelli Vals með átta stigum, 83-75.

Það þýðir að næsti sigur Þórsara tryggir sigur í einvíginu. Komi hann í kvöld þá skrifa Þórsarar nýjan kafla í sögu félagsins því þeir hafa aldrei náð að sóa liði út úr úrslitakeppni.

Þórsliðið hefur unnið átta einvígi í sögu úrslitakeppninnar þar af helming þeirra 3-2. Þórsarar hafa líka unnið fjóra oddaleik, einu sinni 2-1 og þrisvar 3-2.

Tapi Valsmenn í kvöld þá verða þeir líka þriðju Íslandsmeistararnir í röð sem hefur verið sópað 3-0 út úr undanúrslitunum. Það gerðist einnig hjá Þórsurum í fyrra og hjá KR-ingum árið á undan.

Leikur Vals og Þórs verður sýndur beint á Stöð 2 Sport. Leikurinn hefst klukkan 19.15 en upphitun fyrir hann fer í gang klukkan 18.45. Körfuboltakvöld gerir leikinn líka upp að honum loknum.

Sigrar Þórs í einvígum í úrslitakeppni: Fjórum sinnum 3-1 (2012, 2021, 2021, 2022) Þrisvar sinnum 3-2 (2019, 2021, 2023) Einu sinni 2-1 (2012) – Hvernig hefur titilvörnin endað undanfarin ár: Þór Þorl. 2022 (0-3 á móti Val í undanúrslitunum) KR 2021 (0-3 á móti Keflavík í undanúrslitunum) KR 2019 (Íslandsmeistarar) KR 2018 (Íslandsmeistarar) KR 2017 (Íslandsmeistarar) KR 2016 (Íslandsmeistarar) KR 2015 (Íslandsmeistarar) Grindavík 2014 (1-3 á móti KR í lokaúrslitum) Grindavík 2013 (Íslandsmeistarar) KR 2012 (1-3 á móti Grindavík í undanúrslitum) – Engin úrslitakeppni fór fram 2020 Mest lesið
Fleiri fréttir Sjá meira Mest lesið