5 C
Grindavik
6. maí, 2021

„Þorskurinn sennilega kominn upp í fjörur“

Skyldulesning

Akurey kom til hafnar í Reykjavík með 130 tonna afla, þar af voru aðeins 14,5 tonn af þorski.

mbl.is

Þorskurinn sást ekki á togaraslóð í síðasta túr Akureyjar, en skipið kom til hafnar í Reykjavík í dag með 130 tonna afla. Þar af voru tæp 58 tonn af ufsa, 31 tonn af gullkarfa, 12 tonn af djúpkarfa, rúmlega 14 tonn af ýsu og rúmlega 14 tonn af þorski.

„Markmiðið hjá okkur var aðallega að leita að ufsa og þorski í veiðanlegu magni,“ er haft eftir Magnúsi Kristjánssyni, skipstjóra á Akurey, á vef Brims sem gerir skipið út. „Það gekk upp með ufsann en þorskurinn er allur kominn inn fyrir línu og sennilega allt upp í fjörur og byrjaður að hrygna þar,“ segir hann.

Veiðiferðin hófst á Eldeyjarbankanum en þar hafi lítið veiðst. „Við færðum okkur því yfir á Selvogsbankann. Þar var mokveiði á ýsu en þorskurinn sást ekki á togaraslóð. Næst var ferðinni heitið á Fjöllin. Þar var að vanda nóg af gullkarfa en við fundum líka töluvert af ufsa og heilt yfir var aflinn mjög góður,“ segir Magnús. Hann kveðst ekki eiga von á að þorskveiðin glæðist suðvestanlands fyrr en að aflokinni hrygningu. Þorskurinn hafi alls staðar gengið upp að ströndinni til hrygningar. Þá sé allur þorskur horfinn úr Jökuldýpi þar sem var góð veiði fyrir skömmu.

Akurey heldur aftur til veiða annað kvöld en fyrst þarf áhöfnin að taka nýjan togvír um borð.

spot_img
spot_img
spot_img

Innlendar Fréttir