5.4 C
Grindavik
18. maí, 2021

Þrjár beiðnir um aðstoð þyrlu á skömmum tíma

Skyldulesning

Þyrla Landhelgisgæslunnar, TF GRO.

Lög­regl­an á Suður­landi óskaði eft­ir aðstoð Land­helg­is­gæsl­unn­ar á sjötta tímanum í kvöld vegna vinnuslyss sem varð í umdæmi hennar.

Vegna verk­falls flug­virkja Land­helg­is­gæsl­unn­ar hef­ur Gæsl­an ein­ung­is eina starf­hæfa þyrlu, TF-GRO.

Þegar beiðnin barst var þyrlan nýlega komin til Reykjavíkur eftir að hafa flutt mann á Landspítalann sem slasaðist í öðru vinnu­slysi í Bisk­upstung­um í upp­sveit­um Árnes­sýslu.

Önnur beiðni vegna umferðarslyss

Samkvæmt upplýsingum frá Landhelgisgæslunni var óskað eftir aðstoð Gæslunnar vegna vinnuslyss klukkan 17.25. Útkallið var metið það alvarlegt að þyrlan var kölluð út á hæsta forgangi.

Skömmu síðar barst beiðni önnur beiðni um aðstoð þyrlunnar eftir að umferðarslys hafði orðið undir Ingólfsfjalli.

Sú beiðni var fljótlega afturkölluð. Þyrlan flaug á sama tíma til móts við sjúkrabíl, sem flutti þann sem slasaðist í vinnuslysinu, og sótti hann á flugvellinum á Selfossi. 

Þyrlan lenti svo í Reykjavík með manninn rétt fyrir klukkan 19.00. 

spot_img
spot_img
spot_img

Innlendar Fréttir