3 C
Grindavik
28. febrúar, 2021

Þrjú flóð á Öxnadalsheiði í gærkvöldi og nótt

Skyldulesning

Flóð féllu á Öxnadalsheiði í nótt.

Flóð féllu á Öxnadalsheiði í nótt.

Kort/Vegagerðin

Tómas Jóhannesson, fagstjóri á ofanflóðasviði Veðurstofunnar, segir í samtali við mbl.is að líklega hafi þrjú snjóflóð fallið á þjóðveg 1 á Öxnadalsheiði í gærkvöldi og nótt. Eitt flóðið féll um klukkan níu. Nokkur fjöldi bíla var þá á heiðinni. Annað flóð féll svo um klukkan tíu, en í því lentu allavega fjórir og bíll sem í var fjölskylda. Engan sakaði þó, en flýtt var því að færa fólk af staðnum. Þriðja flóðið féll svo eftir miðnætti.

Þá féll einnig flóð á Ísafirði úr Steiniðjugili, en það er í Eyrarfjalli, Eyrarinnar og byggðarinnar við Tunguá. Þar hafði fólk þegar verið búið að yfirgefa vinnustaði, en nú hefur svæðið verið rýmt og ekki er þar dvalist. Aðeins eru atvinnuhúsnæði á viðkomandi reit.

Úr Súðavíkurhlíð féll einnig flóð skömmu eftir miðnætti og segir Tómas að það hafi aðeins sést á mælitækjum, en vegurinn um hlíðina er enn lokaður og ekki hefur verið farið og athugað með það.

Spáð er áframhaldandi veðri í allan dag, með norðan hríð og skafrenningi og tilheyrandi samgöngutruflunum. Er í gildi gul viðvörun vegna veðurs og á nokkrum stöðum á Vestfjörðum og Tröllaskaga rauð viðvörun vegna snjóflóðahættu.

Á fimmta tímanum í gær féll svo 70-100 metra breitt flóð við Ólafsfjarðarveg.

Innlendar Fréttir