5 C
Grindavik
27. febrúar, 2021

Þurfti að hætta knattspyrnuiðkun eftir höfuðhögg – „Ég komst í uppnám við að sjá þetta gerast“

Skyldulesning

Ryan Mason, fyrrverandi leikmaður Hull og Tottenham, skilur ekki afhverju David Luiz, leikmanni Arsenal, var leyft að halda áfram að spila eftir að hann hlaut höfuðhögg í leik liðsins í gær. Mason þurfti sjálfur að hætta knattspyrnuiðkun eftir höfuðhögg árið 2018.

„Ég komst í uppnám við að sjá þetta gerast enn og aftur á knattspyrnuvelli. Mér finnst það synd að saga mín skyldi ekki opna augu fólks og verða valdur að því að einstaklingar myndu átta sig á alvarleika höfuðhöggs í knattspyrnuleik,“ sagði Mason í viðtali við TalkSport.

Mason, kenndi þó ekki læknateymi Arsenal um það að Luiz héldi áfram að spila.

„Ég er ekki að gagnrýna læknateymi Arsenal vegna þess að þeir fara eftir ákveðnum verkferlum (e.protocol) og ég er viss um að þeir hafi fylgt þeim. En verkferlarnir sem eru nú í gildi gera ekki nógu mikið,“ sagði  Ryan Mason.

David Luiz og Raul Jimenez, leikmaður Wolves, skullu saman með þeim afleiðingum að Jimenez var fluttur meðvitundarlaus á sjúkrahús. Seinna kom í ljós að hann höfuðkúpubrotnaði við höggið.

„Stundum þarftu að leggja verkferlana til hliðar og fara skynsömu leiðina. Það þarf að breyta þessum verkferlum,“ sagði Ryan Mason.

Atvikið átti sér stað á 5. mínútu leiksins. David Luiz hélt áfram að spila en var tekinn af velli í hálfleik þar sem hann sagðist ekki geta skallað boltann almennilega.

Ryan Mason vill að teknar verði í notkun svokallaðar heilahristings skiptingar, með þeim yrði leikmanni skipt tímabundið af velli þar sem hann myndi undirgangast próf sem myndu skera úr um það hvort leikmaðurinn hafi hlotið heilahristing.

Enski boltinn á 433 er í boði

Innlendar Fréttir