10.3 C
Grindavik
29. september, 2022

Tilnefnir nýjan sendiherra á Íslandi

Skyldulesning

Joe Biden Bandaríkjaforseti.

Joe Biden Bandaríkjaforseti. AFP

Joe Biden Bandaríkjaforseti hefur tilkynnt að hann muni tilnefna Carrin F. Patman í embætti sendiherra landsins á Íslandi.

Patman hefur verið stjórnarformaður almenningssamgangna í Harris-sýslu í Texas, en sýslan er sú þriðja fjölmennasta í Bandaríkjunum og felur í sér stórborgina Houston.

Carrin F. Patman.

Carrin F. Patman. Ljósmynd/Texas-háskóli

Áður var hún einn eigenda lögfræðistofunnar Bracewell LLP, starfaði þar í þrjá áratugi og flutti ýmis stór dómsmál, að því er segir í tilkynningu á vef Hvíta hússins.

Á vef Politico segir að hún hafi safnað fjárframlögum fyrir Biden í síðustu forsetakosningum.

Ekki er ljóst hvenær tilnefning sendiherrans fer fyrir þingið.

spot_img
spot_img
spot_img

Innlendar Fréttir