2 C
Grindavik
15. maí, 2021

,,Tilviljun ræður öllu í þessu lífi, hún er hinn eini sanni guð.“

Skyldulesning

godHeiti þessarar greinar, Tilviljun ræður öllu í þessu lífi, hún er hinn eini sanni guð er tilvísun í orð Kára Stefánssonar forstjóra Amgen á Íslandi sem fyrir tilviljun hefur verið í nánu samstarfi við Astra Zenca.

Ég hlusta aðeins á útvarp þegar ég er bílnum og fyrir tilviljun þurfti ég að fara á bílnum í morgun og renndi í gegnum útvarpsstöðvarnar. Fyrir tilviljun datt ég inn á Pétur á útvarpi Sögu sem var að fjalla um fjögurra stjörnu Foss fangabúðirnar og dóminn um ólögmæti nauðungarvistunnar á þeim bæ. Maður nokkur hringdi inn í þáttinn og var á þeirri skoðun að þessi dómsmál og aðdragandi þeirra væru líklega samsæri gegn heilbrigiðisráðherra eða ríkisstjórninni, svo fljótt gerðist þetta allt saman, sagði hann. Sem sagt, að lögmenn hefðu vitað af ólögmætinu og verið tilbúnir með mál til að fara með fyrir dómstóla. 

Málið sem Jón Magnússon lögmaður kærði fyrir hönd mæðgnanna  kom að minnsta kosti til vegna tilviljunnar. Ég sá frásögn  konu sem ég þekki á facebook sem sagði frá þvi hún og dóttir hennar hefðu verið fluttar í Foss fangabúðirnar í lögreglufylgd í rútu frá Leifsstöð eftir komu frá Serbíu, þangað sem þær fóru til að vera við jarðaför. Tveimur dögum áður hafði ég lesið að að þeir sem væru skikkaðir í far­sótt­ar­hús eigi rétt á að bera sitt mál und­ir dóm­stóla og vænta úr­sk­urðar líkt og gild­ir um gæslu­v­arðhald. Það leið ekki langur tími þar til að ég var búin að hafa uppi á lögmönnum sem höfðu nýlega auglýst þjónustu sína í þessu sambandi og kom upplýsingum áfram til mæðgnanna. Og þar með var málið komið í hendur Jóns Magnússonar sem vann málið fyrir mæðgurnar sem ég vona að fái greiddar skaðabætur frá ríkinu fyrir ólögmætt varðhald. Að loka 13 ára ungling inni á herbergi í marga daga hefði einhverntímann verið kært til barnaverndayfirvalda!

En fyrir tilviljun hafði ég skrifað þessa færslu nokkrum dögum áður þar sem ég sagðist vilja bjóða mig fram til að láta reyna á lögmæti varðhalds í svokölluðu sóttvarnarhúsi. Kannski var þetta því ómeðvitað og tilviljannakennt samsæri. Ég trúi reyndar ekki á tilviljanir; allt á sér örsök og afleiðingu. Nema að tilviljun sé leið Guðs, æðri máttar, örlaganna, stjarnanna eða annað til að sýna okkur að ekkert er í raun tilviljun.


spot_img
spot_img
spot_img

Innlendar Fréttir