10.2 C
Grindavik
24. júní, 2021

Tímalína yfir samband Svölu og Kristjáns

Skyldulesning

Stórsöngkonan Svala Björgvinsdóttir er trúlofuð. Unnusti hennar, Kristján Einar Sigurbjörnsson, fór á skeljarnar í gær og opinberuðu þau gleðitíðindin á Instagram.

Við ákváðum að líta yfir samband turtildúfanna sem munu kannski fljótlega ganga í það heilaga.

Svala Björgvinsdóttir 43 ára og hefur verið í sviðsljósinu nánast frá fæðingu, enda faðir hennar einn ástsælasti söngvari landsins. Hver hlustar ekki árlega á jóladúett þeirra „Ég hlakka svo til“, en Svala var aðeins tíu ára þegar lagið kom út.

Kristján Einar er 22 ára sjómaður og faðir frá Húsavík.

Urðu fyrst vinir

Svala og Kristján opinberuðu samband sitt í ágúst síðastliðnum. Það er óhætt að segja að samband þeirra hafi vakið mikla athygli og ræddi DV við Svölu um ástina, aldursmuninn og athyglina.

Hún sagði að þau hefðu kynnst í júlí í gegnum sameiginlega vini og urðu strax góðir vinir.

„Hann er ótrúlega vel vandað eintak og frábær persóna. Hann er ótrúlega mikill húmoristi, skemmtilegur og góð manneskja,“ sagði Svala.

Í sama viðtali viðurkenndi Svala að það væri erfitt að eiga ekkert einkalíf.

„Ég reyni eftir bestu getu að fara leynt með mitt einkalíf en það gengur ekkert allt of vel, sérstaklega þar sem svo mikið af því ratar í fjölmiðla. Ég er samt löngu orðin vön þessu þar sem ég hef verið í sviðsljósinu frá barnæsku og pabbi minn og bróðir minn líka. Mér finnst samt svolítið fyndið að fólk sé að pæla í mínu lífi því það er ekkert svo áhugavert eða áhugaverðara en líf annarra. Ég er bara venjulega manneskja og mér finnst ég ekkert merkilegri en neinn annar. Ég væri stundum til í að vera ekki þekkt svo fólk sé ekki að hafa skoðanir á mér og mínu lífi og hvernig ég á að lifa því. En svona er þetta, fylgifiskur frægðarinnar er bara svona og ég verð víst að lifa með því,“ sagði hún.

Fyrsta stefnumótið

Kristján bauð Svölu og hundinum hennar, Sósu, í fjallgöngu á fyrsta stefnumótinu.



Fyrsta myndin á Instagram

Svala birti fyrstu myndina af þeim á Instagram í lok ágúst.

Síðan þá hefur parið verið duglegt að deila myndum af hvort öðru á samfélagsmiðlum.

Húsavík

Í byrjun september heimsótti parið fjölskyldu Kristjáns á Húsavík.

Konur eru konum bestar

Svala og Kristján tóku saman þátt í verkefni fyrir Konur eru konum bestar.

Ástfangin í vatni

Parið hefur ekki verið feimið að deila því með heiminum að það sé ástfangið upp fyrir haus. Svala deildi þessari mynd og sagði að hún hafi ekki vitað að hann ætlaði að taka mynd af þessu ógleymanlegu augnabliki.

Tattú í stíl

Svala og Kristján fengu sér tattú í stíl, ævinlega merkt hvort öðru.

Kristján tók þetta skrefinu lengra og fékk sér nafn Svölu, ásamt nafni dóttur sinnar.

Skjáskot/Instagram

Trúlofuð

Þá erum við komin til dagsins í dag. Kristján fór á skeljarnar í gær og Svala sagði hiklaust já. Fókus óskar parinu innilega til hamingju með ástina.

spot_img
spot_img
spot_img

Innlendar Fréttir