Tíu þúsund tonn af þorski í strandveiðipottinum

0
128

Svandís Svavarsdóttir matvælaráðherra hefur undirritað nýja reglugerð um strandveiðar. mbl.is/Eggert Jóhannesson

Alls verða 10.000 tonn af þorski í strandveiðipottinum á þessu veiðitímabili en Svandís Svavarsdóttir matvælaráðherra hefur undirritað nýja reglugerð um strandveiðar. 

Strandveiðar eru stundaðar frá maí til ágúst. Hlutfall strandveiða af leyfilegum heildarafla þorsks nemur nú tæpum fimm prósentum sem er svipað og veiðitímabilið 2022 en þá var í fyrsta sinn svo stórum hluta leyfilegs heildarafla úthlutað til strandveiða. Þetta kemur fram í tilkynningu Stjórnarráðsins. 

Alþingi hefur nú til meðferðar frumvarp til laga um breytingar á lögum um stjórn fiskveiða vegna svæðaskiptingu strandveiða en frumvarpið var samþykkt til framlagningar af ríkisstjórn í febrúar. 

Í tilkynningunni áréttar matvælaráðuneytið að verði frumvarpið að lögum kann að verða nauðsynlegt að gera breytingar á reglugerðinni fyrir árið 2023 til samræmis við lagasetningu Alþingis.