2 C
Grindavik
14. maí, 2021

Tjónvaldur bæði drukkinn og próflaus

Skyldulesning

Ökumaður sem varð valdur að umferðaróhappi á tíunda tímanum í gærkvöldi gistir fangageymslur lögreglunnar á höfuðborgarsvæðinu þar sem hann var undir áhrifum áfengis við aksturinn. Verður hann í haldi þangað til af honum rennur áfengisvíman. Jafnframt er maðurinn ekki með ökuréttindi þar sem hann hafði verið sviptur þeim áður. Þetta er meðal þess sem kemur fram í dagbók lögreglunnar á höfuðborgarsvæðinu. 

Lögreglan stöðvaði för þriggja ökumanna í nótt sem allir reyndust undir áhrifum vímuefna þar sem þeir óku um götur borgarinnar. Tveir þeirra voru undir áhrifum fíkniefna og er annar þeirra þar að auki án ökuréttinda, það er hann hafði verið sviptur ökuleyfi áður. Sá þriðji var undir áhrifum áfengis við aksturinn. Þeir voru allir látnir lausir úr haldi lögreglu að lokinni sýnatöku.

Um níuleytið í gærkvöldi var ekið á gangandi mann en meiðsli hans eru minniháttar. Eins var tilkynnt til lögreglu um partýhávaða í heimahúsi í nótt og lofaði húsráðandi að lækka. 

spot_img
spot_img
spot_img

Innlendar Fréttir