Tóku í notkun nýtt húsnæði á Sauðárkróki

0
131

Þorsteinn Bárðarson stjórnarformaður Fiskmarkaðar Snæfellsbæjar (FMSNB), Friðbjörn Ásbjörnsson einn af stofnendum FMSNB og framkvæmdastjóri FISK Seafood, og Andri Steinn Benediktsson framkvæmdastjóri FMSNB. Ljósmynd/Fiskmarkaður Snæfellsbæjar

Fiskmarkaður Snæfellsbæjar fagnaði því að nýtt húsnæði væri tekið í notkun á Sandeyrinni á Sauðárkróki um helgina. Mætti þangað fjöldi gesta bæði af svæðinu og víðsvegar að af landinu, að því er segir á vef Feykis.

Fiskmarkaður Snæfellsbæjar var stofnaður í Ólafsvík og eru þar aðalskrifstofur félagsins sem og umsvifamesti afgreiðslustaður þess. Þá rekur félagið, sem fyrr segir, fiskmarkað á Sauðárkróki en félagið sækir og selur einnig fisk frá Arnarstapa, Grundarfirði, Rifi, Stykkishólmi og Skagaströnd.

Þá annast sjálfstæðir verktakar eigin þjónustu undir merkjum Fiskmarkaðar Snæfellsbæjar á Akranesi og Tálknafirði.

Fiskmarkaður Snæfellsbæjar selur afla á öllum uppboðsdögum ársins í gegnum sölukerfið Fönix sem þróað er og rekið af NRS ehf.

Fjöldi gesta mætti á opnunarhátíðina á laugardag. Ljósmynd/Fiskmarkaður Snæfellsbæjar

Sigfús Ingi Sigfússon sveitarstjóri fremst á myndinni, fyrir aftan hann er Pavel Ermolinski, þjálfari Stólanna í körfunni, en vígslan var á leikdegi og margir mættu í Tindastólsklæðnaði. Ljósmynd/Óli Arnar Brynjarsson

Guðmundur Kristjánsson í Brim og Þórólfur Gíslason kaupfélagsstjóri KS ræddu málin. Ljósmynd/Óli Arnar Brynjarsson

Húsakynni Fiskmarkaðs Snæfellsbæjar á Sauðárkróki á vígsludegi á Sandeyri, við höfnina. Ljósmynd/Óli Arnar Brynjarsson