Tölurnar „ótrúlegar“ miðað við alla seðlana sem komu inn – „Fá þessa 200 milljóna króna gjöf sem er einstakt dæmi“ – DV

0
141

Arnar Gunnlaugsson, þjálfari ríkjandi bikarmeistara Víkings Reykjavíkur var gestur í Íþróttavikunni með Benna Bó ásamt Herði Snævari Jónssyni, íþróttastjóra Torgs.

Í vikunni vakti umfjöllun Fréttablaðsins um ársreikningra nokkurra af fremstu knattspyrnudeildum landsins athygli en víða mátti sjá tap á rekstri þeirra deilda, meðal annars hjá Val.

„Ef ég ætti að hafa áhyggjur af einhverju félagi þegar kemur að peningum þá er það ekki Valur en Breiðablik er pínu áhyggjuefni. Þeir fá þessa 200 milljóna króna gjöf sem er bara einstakt dæmi, hefði hún ekki komið inn í bókhaldið þá hefði tapið verið í kringum 50 milljónir króna. Það er ótrúlegt miðað við alla þessa Evrópupeninga og sölu á leikmönnum fyrir 110 milljónir. Þar þurfa menn að passa sig.

Hjá KR var mikið tap, ég veit að það er tap á rekstrinum hjá FH, það var tap hjá KA og HK. Allir þeir ársreikningar sem hafa verið gefnir út hingað til hafa verið með rauðum tölum fyrir utan Breiðabliks tölurnar sem eru blekkjand,“ segir Hörður.

Arnar var þá inntur eftir því hvort tölurnar í ársreikningi Víkinga yrðu rauðar eða grænar.

„Þær verða fagur grænar,“ svaraði Arnar. „Það eru öll félög að eltast við hinn heilaga gral sem er Evrópukeppnin, svo gleyma menn því oft að ef þú kemst ekki fram hjá fyrstu umferð, þá er þetta smá ströggl. Núna fær meistaraliðið smá aukabónus þrátt fyrir að það lið detti út úr forkeppni Meistaradeildarinnar. Þú ferð þá niður í Evrópu- og Sambandsdeildina eins og við gerðum í fyrra. Þetta er skemmtileg gulrót.“