0 C
Grindavik
25. nóvember, 2020

Tölvuleikir eru góðir til að tryggja vellíðan

Skyldulesning

Þeir sem spila tölvuleiki löngum stundum eru líklegri til að segjast vera hamingjusamir en þeir sem ekki spila tölvuleiki. Þetta á að minnsta kosti við um ákveðna tölvuleiku. Þetta eru niðurstöður nýrrar rannsóknar.

Samkvæmt frétt BBC þá notuðust vísindamenn við Oxford Internet Institute við tvo tölvuleiki við rannsókn sína. Nintendo Animal Crossing og Plants vs Zombies frá EA. Framleiðendur leikjanna veittu vísindamönnunum upplýsingar um hversu lengi hver og einn hefði spilað leikina. Þessar upplýsingar, sem voru nafnlausar, voru síðan tengdar við könnun sem var send spilurunum en í henni var spurt um vellíðan þeirra. 3.274 spilarar, eldri en 18 ára, tóku þátt í rannsókninni.

Í fyrri rannsóknum var stuðst við eigin mat spilaranna á hversu lengi þeir spiluðu en þær upplýsingar eru ekki endilega alltaf nákvæmar.

Andrew Przybylski, prófessor, sem stýrði rannsókninni sagðist hafa orðið hissa yfir niðurstöðunum. Þeir sem spili Animal Crossing í fjórar klukkustundir á dag, alla daga, séu líklegri til að vera hamingjusamir en þeir sem ekki spila. „Það þýðir ekki að Animal Crossing geri þig hamingjusaman,“ sagði hann og benti á að rannsóknir síðustu 40 ára hafi bent til að þeim mun meira sem fólk spili, þeim mun óhamingusamara væri það. Hann sagði að hugsanleg skýring á hversu ólíkar nýju niðurstöðurnar eru sé að báðir leikirnir innihaldi félagslega þætti þar sem spilarar eigi í samskiptum við persónur sem er stjórnað af öðru fólki. „Ég held að fólk eyði ekki miklum tíma í leik með félagslegum þáttum nema það sé ánægt með þá,“ sagði hann.

Innlendar Fréttir