9.4 C
Grindavik
15. júní, 2021

Tugir húsa á nýju hættusvæði á Flateyri – Varnargarðar eru hvergi fullkomlega öruggir

Skyldulesning

Nýtt hættumat hefur verið gert fyrir Flateyri og hefur hættusvæðið stækkað við það. Á þriðja tug húsa er nú komin inn á hættusvæði C en það er efsta stig. Um sjötíu hús er komin á ýtrasta rýmingarstig. Hættusvæði C nær nú 250 metrum lengra inn á höfnina og inn á land sunnan og vestan við hana en áður en mikið tjón varð á höfninni í janúar þegar snjóflóð féll úr Skollahvilft.

Fréttablaðið skýrir frá þessu. „Það þarf að taka tillit til þess í ríkisviðbúnaði að virkin eru hvergi fullkomlega örugg. Þegar aðstæður verða mjög slæmar er möguleiki á að grípa þurfi til rýmingar til að tryggja öryggi,“ er haft eftir Tómasi Jóhannessyni, fagstjóra og sérfræðingi í ofanflóðamálum hjá Veðurstofu Íslands.

Hann sagði einnig að þessi áhrif, sem voru þekkt fyrir, séu miklu öflugri en ráð hafi verið gert fyrir. Af þessum sökum þurfi að finna leiðir til að forða því að flóð endi í höfninni. Hafnarstjóri Ísafjarðarbæjar benti á það í nýlegri skýrslu að varnargarðarnir hafi beint flóðinu inn í höfnina og að það væri óviðunandi fyrir atvinnulíf þorpsins.

Nú er unnið að hættumati fyrir fimm sambærilega varnargarða og eru á Flateyri, það er á Ísafirði, Siglufirði, Bíldudal, Ólafsfirði og Neskaupstað. „Það er gert ráð fyrir ákveðinni hættu á yfirflæði og að snjódýpt verði meiri en stoðvirki eru hönnuð fyrir. Það er undantekningarlaust hættusvæði undir öllum þessum varnarvirkjum og ákveðin áhætta í byggðinni þar undir,“ er haft eftir Tómasi.

spot_img
spot_img
spot_img

Innlendar Fréttir