Tundurduflaslæðarar komnir til landsins

0
196

Einn af tundurduflaslæðurunum á Skarfabakka. mbl.is/Kristinn Magnússon

Floti tundurduflaslæðara á vegum Atlantshafsbandalagsins lagðist að bryggju í Reykjavík í gærkvöldi og í morgun og verður hann þar með aðsetur meðan á dvölinni stendur.

Hluti af áhöfn eins tundurduflaslæðarans. mbl.is/Kristinn Magnússon

Flotinn samanstendur af sex tundurduflaslæðurum frá aðildarríkjum NATO. Forystuskip flotans er norska skipið HNoMS Nordkapp en hin skipin fimm eru ENS Sakala frá Eistlandi, FGS Rottweil frá Þýskalandi, HNoMS Otra frá Noregi, BNS Bellis frá Belgíu og HNLMS Schiedam frá Hollandi, að því er kemur fram í tilkynningu frá Landhelgisgæslunni.

mbl.is/Kristinn Magnússon

Helstu verkefni skipanna felast í leit og eyðingu tundurdufla og sprengja í hafinu sem hætta stafar af og auka aðgerðirnar þannig öryggi sjófarenda.

mbl.is/Kristinn Magnússon

Tundurduflafloti á vegum Atlantshafsbandalagsins kom síðast hingað til lands árið 2013. Þá fannst tundurdufl í Hvalfirði sem eytt var í samstarfi við séraðgerðasveit Landhelgisgæslunnar. Gert er ráð fyrir að slík leit fari aftur fram í Hvalfirði og víðar að þessu sinni.

mbl.is/Kristinn Magnússon

mbl.is/Kristinn Magnússon